Desconocías el castúo? Pues es muy interesante además de desconocido. En su día, fue el habla extremeña.
Luis Chamizao y Gabriel y Galán son sólo una muestra (aunque destacan ) de su rica literatura.
En fin, es Extremadura, tan interesante y tan desconocida.
Os animo a que la conozcáis.
Un saludo.
Soy de Salamanca. Conozco algo de extremadura, y me encanta la poesía en Castúo. Mira, me podría poner un poema de Gabriel y Galán que leí cuando era niño y no lo he vuelto a ver, creo que se titula EL EMBARGO, y empezaba diciendo, más o menos: "Pase usted señor juez y que entren todos esos"..... pero en castúo.
ESO ESTÁ HECHO, AHÍ VA, ;)DISFRUTADLO:
Señol jues, pasi usté más alanti
y que entrin tos esos,
no le dé a usté ansia
no le dé a usté mieo...
Si venís antiayel a afligila
sos tumbo a la puerta. ¡Pero ya s'ha muerto!
¡Embargal, embargal los avíos,
que aquí no hay dinero:
lo he gastao en comías pa ella
y en boticas que no le sirvieron;
y eso que me quea,
porque no me dio tiempo a vendello,
ya me está sobrando,
ya me está gediendo!
Embargal esi sacho de pico,
y esas jocis clavás en el techo,
y esa segureja
y ese cacho e liendro...
¡Jerramientas, que no quedi una!
¿Ya pa qué las quiero?
Si tuviá que ganalo pa ella,
¡cualisquiá me quitaba a mí eso!
Pero ya no quio vel esi sacho,
ni esas jocis clavás en el techo,
ni esa segureja
ni ese cacho e liendro...
¡Pero a vel, señol jues: cuidaíto
si alguno de ésos
es osao de tocali a esa cama
ondi ella s'ha muerto:
la camita ondi yo la he querío
cuando dambos estábamos güenos;
la camita ondi yo la he cuidiau,
la camita ondi estuvo su cuerpo
cuatro mesis vivo
y una nochi muerto!
¡Señol jues: que nenguno sea osao
de tocali a esa cama ni un pelo,
porque aquí lo jinco
delanti usté mesmo!
Lleváisoslo todu,
todu, menus eso,
que esas mantas tienin
suol de su cuerpo...
¡y me güelin, me güelin a ella
ca ves que las güelo!...
