Otra paisana desde Plasencia, para que la espera sea más llevadera esta poesía de Gabriel y Galán, PLETORA (aunque hoy precisamente no es que sea uno de esos días que relata) es un pelín larga, pero no podia cortarla.
Yo no sé qué tieni,
qué tieni esta tierra
de la extremaúra
que cuantis que llegan
estos emprencipios
de la primavera,
se me poni la sangre encendía
que cuasi me quema,
se me jincha la caja del pecho,
se me jaci más grandi la juerza
se me poni la frente möorra
y barruntu que ansina me entra
como un jormiguillo
que me jormiguea...
¡Y luego unas ansias:
que me ajogan de juerti que aprietan
con arrempujonis
de lloral sin querel, que me quean
que cuasis reviento
sin poel revental de la pena!...
¡Me dan unas ganas
de metermi con cosas de juerza!...
¡Asín jundo el corti
de la segureja,
que lo mesmu ha caíu esta encina
que si juesi de pura manteca!
Yo no sé qué será lo que adrento
me escarabajea
cuantis llega esti tiempo tan güeno
de la primavera...
Digu yo que serán estos vahus
que jecha la tierra,
que güelin a ricos
y paice que, asín que se cuelan,
comu que arrempujan
de adrento pa juera,
y levantan el pecho pa arriba,
y entontecin de gustu que quean...
¡Juy, cómu me sabin!...
¡Juy, Dios, y qué juerza!
Si viniese ahora mesmu aquí el Gorio
y quisiesi luchal una güelta...
¡Juy, Dios, qué Goriazo
le jacía pintal en la tierra!
Me gusta esti tiempo
de la primavera,
pero, ¡coño!, me da mucha rabia
no tenel una cosa que puea
sacalmi del cuelpo
el comuelgo na más de la juerza.
Saludos y suerte para todos y paciencia ya queda menos...
